Hazırda şəhər mərkəzindən kənarlaşdıqca daşınmaz əmlakın gəlir gətirmək imkanlarının artdığı müşahidə olunur.
GununNebzi.com xəbər verir ki, bu sözləri əmlak məsələləri üzrə ekspert Ramil Osmanlı Axar TV-yə geniş müsahibəsində deyib.
“Bu, təkcə, həmin əmlakın kirayəsi, yaxud onun tikinti mərhələsində üzərinə gələn əlavə xərclərlə - məsələn, binə qazılarkən kvadratı 1000 manat idisə, tikinti bitəndən sonra 1800 olması ilə bağlı deyil. Eyni zamanda tikinti mərhələsindən sonrakı müddətdə əmlakın dövriyyə imkanları, daha tez satılma, əməliyyatlara cəlb olunma məsələlərinin də təsiri ilə əlaqədardır. Bu gün Nəsirəddin Tusi küçəsində az kvadratlı, ekonom sinfə aid binada çıxarışlı mənzilin 1 kv.m-nin 3 minə alındığının şahidi oluruq. Bu rəqəm Nərimanov, Azadlıq prospekti, “Gənclik” metrosu ətrafında satılan evlərə az qala bərabər rəqəmdir. Müşahidələr göstərir ki, həmin ərazilərə maraq daha çox olduğuna görə, o ərazilər daha likvid hesab olunur”, - o bildirib.
Ekspert əlavə edib ki, artıq Masazırda da qiymətlər ucuz deyil:
“Amma orada daxili ipoteka ilə bağlı bazara təkliflər daha çox, orada alınmış mənzilin satılma imkankarl daha genişdir. Ödənişlərə gəlincə, daha rahat, əlçatandır”.
R.Osmanlı mənzil satışı zamanı vətəndaşların hüquqlarının necə pozulmasından da danışıb.
