Dr.Yusibovun fəaliyyətində insan həyatı və sağlamlığı ən ali dəyərdir. Hər bir pasiyenti ilə xüsusi maraqlanan, onların problemlərinə həssaslıqla yanaşan Anar Yusibov eyni zamanda gənc həkimlərin yetişdirilməsində də fəal iştirak edir. O, öz bilik və təcrübəsini gələcək nəsil tibb mütəxəssislərinə ötürərək, ölkəmizdə tibb sahəsinin inkişafına da töhfə verir. Onun tibbi fəaliyyəti yüksək peşəkarlıq, dəqiqlik və humanizm prinsiplərinə əsaslanır. Pasiyentlərinin sağlamlığına verdiyi dəyər və onlara göstərdiyi keyfiyyətli tibbi xidmət sayəsində Anar həkim bu sahədə öz sözünü demiş və minlərlə insanın sağlamlığını bərpa etməsinə yardım etmişdir.
Dr.Yusibovun vicdanla gördüyü işlər, onun tibbə və insanlığa xidmət ruhunun təzahürüdür. O, hər gün minlərlə insanın sağlamlığına ümid verən, onların həyatı uğrunda fədakarlıqla çalışan bir həkimdir. Tibbi xidmətdə yüksək peşəkarlıq göstərən Dr. Anar Yusibov öz işinə böyük sevgi və məsuliyyətlə yanaşır. Onun məqsədi yalnız xəstəliklərin müalicəsi deyil, həm də insanların həyat keyfiyyətini artırmaq, onlara sağlam və uzun ömür bəxş etməkdir.
Biz də heyətimiz adından ömrünü insanları xəstəliklərin əlindən alıb sağaltmaq, onları yenidən həyata qaytarıb yaşatmaq kimi xeyirxah bir işə həsr edən Anar həkimə ömrünün müdriklik çağının zirvəsində qalmağı, insanlara sevinc və yaşamaq eşqi bağışlamaq kimi xeyirxah işini bundan sonra da eyni əzmkarlıqla davam etdirmək üçün daha uzun ömür arzulayırıq.
