Anastasiya Qadın Sağlamlıq Mərkəzində müasir kosmetoloji aparatlar ilə işləyən Dr. Rəşidə Məmmədzadə bu texnologiyalardan maksimum səmərəli istifadə etməyi bacaran mütəxəssislərdəndir. Müxtəlif kosmetoloji prosedurların həyata keçirilməsində yüksək dəqiqlik nümayiş etdirən təcrübəli həkimdir. Dr. Məmmədzadə uzun illərdir ki, kosmetologiya sahəsində çalışır. Onun əsas üstünlükləri – dəqiq kosmetoloji prosedurları, pasiyentlərlə peşəkar ünsiyyəti və tibbi etika prinsiplərinə yüksək səviyyədə əməl etməsidir. Dr. Məmmədzadə pasiyentləri ilə səmimi ünsiyyəti, onların hər birinə fərdi yanaşması və qayğıkeş münasibəti ilə tanınır.
O xanım məşğuldur hər gün hər zaman
Təşəkkürlər alır o gözəl insan.
Yanına gələnlər dua eyləyir
Sağ ol, Rəşidə xanım Yüz yaşa! –söyləyir.
Bir məqamı da oxuculara çatdırmağı özümüzə borc bilirik. Bizə məlum olduğuna görə Rəşidə xanım ona müraciət edənlərə yardım edərkən, prosedurları yerinə yetirərkən məbləğ haqqında deyil, müsbət nəticə haqqında düşünür. Bu barədə verdiyimiz sualı Rəşidə xanım belə cavablandırdı: – Bilirsinizmi, mən Uca Tanrının Varlığını bizi gördüyümüzü və hətta fikirlərimizi belə duyduğunu qəlbən qəbul edirəm və buna əminliklə inamım vardır.
Mayası vətənpərvərliklə, halallıqla yoğrulan Dr.Rəşidə Məmmədzadəyə biz də uğurlar diləyirik. Xalq üçün, Vətən üçün əlindən gələni əsirgəməyən bu insana uzun və sağlam ömür, işlərində nailiyyətlər arzu edirik. Bir də arzu edirik ki, bu cür insanların sayı çox olsun, biz də onlarla fəxr edək, barələrində yazaq.
