Hər bir ölkənin gələcəyi təhsilin səviyyəsi ilə ölçülür. Sevindirici haldır ki, müstəqil Azərbaycanda iqtisadiyyatın tərəqqisi milli təhsilin inkişafına öz müsbət təsirini göstərir. Son illər ölkəmizin hər yerində olduğu kimi, Xızı rayonunun təhsil sistemində də nəzərəçarpan uğurlar əldə olunur.
Xızı Rayon Təhsil Şöbəsinin müdiri Oktay Abdullayev fəxrlə bildirdi ki, rayonun təhsil sistemində qazanılan uğurlar, ilk növbədə, dövlətimizin, şəxsən Prezident İlham Əliyevin bu mühüm sahənin inkişafına göstərdiyi yüksək diqqət və qayğının sayəsində mümkün olub. Dövlətimiz, onun rəhbəri, hörmətli Prezidentimiz məhz təhsilin inkişafına heç nəyi əsirgəmir. Biz müstəqil Azərbaycanımızın gələcəyinin təməlini bu gün yaratmalıyıq. Bu təməl nə qədər möhkəm olacaqsa, gələcəyimiz də bir o qədər nurlu, işıqlı olacaq. Burada isə ən əsas vəzifə milli təhsilin üzərinə düşür.
Bu gün Xızı təhsilinin inkişafından və əldə olunan uğurlardan danışarkən bu rayonun təhsil şöbəsinin effektiv fəaliyyəti də xüsusilə qeyd olunmalıdır. Rayon ictimaiyyətinin ümumi rəyinə görə, təhsil şöbəsinin müdiri Oktay Abdullayev dövlətimizin Təhsil strategiyasının uğurla həyata keçirilməsi baxımından rəhbərlik etdiyi qurumun fəaliyyətini tamamilə düzgün istiqamətə yönəldə bilib. Hər şeydən öncə rayon təhsil şöbəsindən başlamış, bütün ümumtəhsil müəssisələrinədək yüksək intizam, nöqsanlara qarşı barışmazlıq, vətəndaş müraciətinə məmur qayğısı bir nömrəli vəzifəyə çevrilib. Təhsilin səmərə və keyfiyyətinin yüksəldilməsinə rayon icra hakimiyyətinin rəhbərliyi, digər qurumların yaxından köməkliyi, dəstəyi bir gün olsun gündəmdən düşmür. Eyni zamanda Xızı rayonunda təhsilin maddi-texniki bazasının möhkəmləndirilməsinə, müəllimlərin elmi-metodiki hazırlığının daha da yüksəldilməsinə, yeni təlim texnologiyalarından istifadə edilməsinə xüsusi əhəmiyyət verilir. Hər il cari dərs ilinə başlamamışdan əvvəl bütün məktəblərdə təmir işləri aparılır. Məktəblərə yumşaq inventar, stol, stul, parta, yazı lövhəsi alınaraq paylanılır. Təhsil sisteminin informasiyalaşdırılması üzrə dövlət proqramına uyğun olaraq məktəblərin kompyuterlə təchizatına diqqət artmış və ölkədaxili sürətli internet şəbəkəsinə qoşulması davam etdirilir.
Təhsildə yüksək səviyyədə xidmət göstərilməsi və uğurlar qazanılmasında Oktay müəllimin böyük zəhməti vardır .
Bizdə bu çətin və şərəfli işində Oktay müəllimə və bütün koolektivinə gələcək işlərində uğurlar arzulayırıq.
