ABŞ Senatındakı respublikaçılar Rusiyaya xəbərdarlıq ediblər ki, Rusiya Prezidenti Vladimir Putin Ukraynada atəşkəs danışıqlarında iştirakdan imtina edərsə və ya mümkün razılaşmanı pozarsa, onlar sərt sanksiyalar tətbiq etməyə hazırdırlar.
GununNebzi.com xəbər verir ki, bu barədə “Blumberq” nəşri yazıb.
Qeyd olunur ki, qanun 80-dən çox senatorun dəstəyinə malikdir və tez bir zamanda qəbul edilə bilər.
Bildirilib ki, Tramp administrasiyası məhdudiyyətlərin Rusiyanı danışıqlardan çəkindirə biləcəyini əsas gətirərək yeni sanksiyalara müqavimət göstərib.
“Əgər Rusiya ciddi diplomatiya ilə məşğul olmaq istəmirsə, Senat Tramp administrasiyası ilə birlikdə Putini danışıqlara məcbur etmək üçün əlavə sanksiyaları nəzərdən keçirəcək”, - Senatın Respublikaçı lideri Con Tun deyib.
