Dr.Hüseyn Cəliloğlu öz peşəsini sevən, sənətinin vurğunu olan, tibb aləmində daima axtarışda olub, mütaliələr edərək pediatriya sahəsində uğurlar qazanan və sevilən peşəkar həkimlərimizdən biridir. Məhz buna görə də ona müraciət edən xəstələrin sayı günü-gündən artır və hamı onun işindən razılıq edir. Hüseyn həkim onun qəbuluna gələn xəstələri çox səmimi və təmkinlə dinləyir, onlara həkim məsləhətlərini verir.
Bəli, əsl həkim üçün təbabət yalnız sənət deyil, bütünlüklə onun həyatıdır! Bax bizim öz sənətini sevən və həkimlik peşəsiylə qürur duyan, xalqının, millətinin daima sağlamlığının qayğısına qalıb, gecə-gündüz keşiyində duran Hüseyn həkimdə belələrindəndir.
Hüseyn həkimin fəaliyyət göstərdiyi Bahar Tibb Mərkəzi ən yüksək tibbi standartlara uyğun olaraq xidmət göstərən müasir bir quruma çevrilib. O, həmişə xəstələrinin sağlamlığını ön planda tutaraq, onlara ən yaxşı müalicə metodlarını təklif edir və tibbi prosedurların uğurlu həyata keçirilməsini təmin edir.
Hüseyn Cəliloğlu yalnız bir pediatr kimi deyil, həm də xeyirxah insan kimi tanınır. O, həkimlik fəaliyyətini vicdan və məsuliyyətlə icra etməklə yanaşı, şəhid və qazilərimizin ailələrinə daim dəstək göstərir. Ölkəmizin ərazi bütövlüyü uğrunda canını fəda edən igidlərimizin ailələrinə xüsusi diqqət yetirir, onların övladlarının sağlamlığına qayğı ilə yanaşır. Bu, onun sadəcə bir həkim deyil, həm də vətənpərvər bir insan olduğunun bariz nümunəsidir.
P.S. Sonda məndə "GununNebzi.com " xəbər portalının rəhbəri olaraq Hüseyn həkimə və onunla çalışan fədakar tibb personajına kollektivimiz adından işlərində yeni-yeni müvəffəqiyyətlər, uğurlar arzulayaraq, sağlam ömür arzulayıram.
