Azərbaycan tibb elminin inkişafına mühüm töhfələr vermiş, saysız-hesabsız pasiyentin sağlamlığına qovuşmasında rolu olmuş, elmi və praktiki fəaliyyəti ilə həm ölkədə, həm də beynəlxalq aləmdə yüksək nüfuz qazanmış bir otorinolarinqoloq (qulaq, burun, boğaz həkimi) və estetik cərrah haqqında danışırıq.
Azərbaycan tibb elmində silinməz izlər qoymuş, səhiyyəmizə böyük töhfələr vermiş Dr.Arif Məmmədov mənəvi kamilliyinin ən uca zirvəsində dayanan görkəmli elm fədaisinin işıqlı çöhrəsi gənc həkimlərimizə bir örnəkdir. Yüksək intellekt və mədəniyyət, dərin bilik, insanpərvərlik, Vətənə məhəbbət və xeyirxahlıq kimi keyfiyyətlər Dr.Məmmədovun portretini tamamlayan əsas cizgilərdir.
Arif həkim çalışdığı Avrasiya Hospitalda rəhbərliyin kollektivin, Nazirliyin və ona üz tutan bütün insanların hörmətini qazanmış peşəkar həkimdir. Onun üçün ən böyük mükafat da məhz budur - xalqın sevgisi, hörməti. Bu, insan əməyinin əvəzsiz mükafatı - dəyəridir ki, bu dəyəri ona xalq verir.
Arif Məmmədovun humanist yanaşması onun fəaliyyətində əksini tapır. O, şəhid ailələri və qazilərə göstərdiyi dəstəklə, onların sağlamlıq problemlərinin həllində fədakarlıqla iştirak edir. Vətəninə və xalqına olan bağlılığı ilə tibb sahəsində nümunəvi bir həkim obrazını yaradır.
