Media əməkdaşı olaraq, Azərbaycan Tibb Universitetinin Tibb elmləri doktoru, professor Natəvan Axundova haqqında yazmaq mənə çox xoşdur. O, bacarıqlı həkim- ginekoloq- endokrinoloq olmaqla yanaşı, eyni zamanda sadə və qayğıkeş insandır. Çalışdığı müddət ərzində kollektivin dərin hörmət və rəğbətini qazanmışdır. O, həkim üçün lazım olan müsbət keyfiyyətləri özündə cəmləşdirib. Natəvan həkim qorxmaz, insanpərvər, saxavətli, əliaçıq, vəfalı zəhmətkeş həkimdir.
Redaksiyamıza daxil olan məktublar içərisində Dr. Axundovaya edilən minnətdarlıqların sayı – hesabı yoxdur. Natəvan həkimə daxil olan minnətdarlıqlar içərisində Bakı şəhər sakini Məmmədovlar ailəsinin razılıq dolu müraciəti xüsusilə diqqəti cəlb edir: Mənim etdiyim dualar Natəvan həkimin yoluna nur saçsın deyir Aidə xanım. Hər şeyə görə sağ olun. Kaş ki, imkanım ola bütün ana olmaq istəyən qızlarımıza səslənim.Heç düşünmədən hamınız Natəvan həkimi seçin. Sayənizdə hamiləlik stresindən, əməliyyat qorxusundan uzaq, şirin xatirələrlə dolu, 9 ay keçirdim. Hər ay qəbulunuza gələndə sizi görən kimi olan narahatçılıqlarımı unutdum. İstənilən saatda nə vaxt yazsam, yığsam hər an hər sualımı cavablandırmağınızı , minimum dərmanla bir hamiləlik keçirməyimi unutmayacam. Siz tanıdığım ən gözəl, ən mehriban həkimsiniz. Sakit səsiniz insana hüzur verir, ən ağrılı vəziyyətdə belə hər şeyin gözəl olacağına inandırır.
Onu da vurğulamaq yerinə düşərdi ki, Azərbaycan Tibb Universitetinin Tədris Cərrahiyyə Klinikasının ginekoloq- endokrinoloqu Natəvan Axundova Azad Azərbaycanın banisi, Ümummilli Lider, Ulu Öndər Heydər Əliyevin layiqli siyasi kursunun davamçısı Müzəffər Ali Baş Komandan, dövlət başçısı İlham Əliyev cənablarına öz əməlləri və xeyirxah işləri ilə həmişə dəstək olub. 44 günlük haqq savaşında Natəvan həkim özünün vətənpərvərlik amalı ilə vətəndaşlarımıza dəstəyini əsirgəmədi.
Zəngin dünyagörüşü və dərin elmi intiusiyası ilə fərqlənən Dr.Natəvan Axundova elm, təhsil və səhiyyə sahəsində parlaq iz qoymuş şəxsiyyət kimi yeni nəsillər üçün nümunə sayılacaq bir ömür yaşayır. O, tanınmış alim, xeyirxah həkim və alicənab bir insan kimi adını Azərbaycan tibb tarixinə əbədi yazıb. Yüksək insanı keyfiyyətlərə və kamil həkimlik peşəsinə qadir Dr.Axundova sağlamlıq bəxş etdiyi insanların ömrundə və şərəfli həkim peşəsinin tarixində yaşayacaq.
