Naməlum şəxslər Suriyanın keçmiş prezidenti, ölkəyə 1971-2000-ci illərdə rəhbərlik etmiş Hafiz Əsədin məqbərəsinə daxil olaraq onun cəsədinin olduğu sarkofaqı yandırıblar.
GununNebzi.com xəbər verir ki, bu barədə “An-Nahar” qəzeti məlumat yayıb .
Məlumata görə, Latakiyada yerləşən məqbərədə Hafiz Əsədin həyat yoldaşı Anisa Maxlouf və 1994-cü ildə avtomobil qəzasında həlak olan böyük oğlu Basil də dəfn olunub.
Qəzetin yazdığına görə, yanğın törədənlərin üzləri maskalarla gizlədilib.
Qeyd edək ki, ötən gün Hafiz Əsədin Latakiyadakı məzarının dağıdıldığını əks etdirən görüntülər yayılmışdı.
