Paşinyan və hökuməti “Fridom Haus”un 2023-cü ildə Ermənistanda demokratik idarəetmə reytinqinin 2,50-dən 2,25-ə düşdüyü barədə hesabatını hələ də həzm etməyib. Üstəlik, eyni insan haqları təşkilatı Qərbdən İrəvana növbəti şilləsini vurub, onlar Ermənistanda polis zorakılığı xəbərlərindən narahatlığını ifadə ediblər.
GununNebzi.com xəbər verir ki, bu barədə “Past” qəzeti məlumat yayıb.
“ABŞ Dövlət Departamenti insan haqları ilə bağlı illik hesabatını açıqlayaraq, İrəvan tərəfindən işgəncə, qəddar, qeyri-insani və ya ləyaqəti alçaldan rəftar, habelə davam edən əsassız həbslər barədə etibarlı hesabatlar aldığını vurğulayır. Qərbin İrəvanın üzünə şillə vurması və birdən-birə həqiqətlə bir az da olsa üz-üzə gəlməyə qərar verməsinin bir neçə variantı ola bilər. Məsələn, bu, Paşinyana xəbərdarlıq ola bilər və ya ola bilsin ki, Qərb də Paşinyandan əlini üzüb”, - məlumatda deyilir.
