Rusiya-Ermənistan münasibətlərinin gələcəyi çox kədərlidir. İrəvan hakimiyyəti Rusiya ilə müttəfiqlikdən imtina edərək bütün rusiyayönlü inteqrasiya qruplarından çıxmaq və Ermənistanı tədricən Qərbə istiqamətləndirmək kursu götürüb.
GununNebzi.com xəbər verir ki, bunu erməni ekspert Gevorq Mirzoyan deyib.
"Lakin İrəvan bunu tez və qəti şəkildə edə bilməz, bu, iqtisadi problemlərə və ola bilsin ki, müəyyən sosial iğtişaşlara gətirib çıxaracaq.
Ümumiyyətlə, İrəvan daxilində ciddi hadisələr baş verməsə, rejim dəyişikliyi olmasa, onda bütün bunlar əvvəlcə Ermənistanın KTMT-dən, sonra Avrasiya Birliyindən faktiki olaraq çıxması, daha sonra isə ya Ermənistanın parçalanması, ya da ümumi dövlətçiliyinin itirilməsi ilə başa çatacaq", - o bildirib
